Исломбек Исмоилов: "Тезкор гол бизнинг барча ўйлаган режаларимизни бузиб юборди"

-  Бугунги ўйин вилоятимизнинг икки жамоаси ўртасидаги дерби бўлганлиги учун ушбу учрашув шиддатли ўтиши сабабли алоҳида жиддий тайёргарлик кўргандик. Афсуски тезкор гол бизнинг барча ўйлаган режаларимизни бузиб юборди. Биз тезкор голга тайёр эмасдик, будай ҳолат бўлишини кутмагандик, - дея сўз бошлади Исломбек Исмоилов.

-  Футболчиларга этирозим йўқ, барча кўратмаларимни тўлиқ бажаришди. Биринчи голдан сўнг футболчиларда озгина тушкунлик бўлди, аммо бу вазиятдан тезда чиқиб кета олдик. Афсуски қарши ҳужумда яна битта гол ўтказиб юборганимиздан сўнг вазифамиз бироз оғирлашди ва урган голимиз бизга фойда келтирмади. Ушбу мағлубиятни бугуноқ унутиб кейинги учрашувларга тайёргарликни бошлаймиз.

-  Бугун жамоангизда кўплаб имкониятлар бўлди, лекин зарбаларга аниқлик етишмади. Бунга нима сабаб бўлди деб ўйлайсиз?
-  Хужуимчиларда хеч қандай муаммо йўқ. Машғулотлар вақтида зарбалар устида ишлаяпмиз, кўплаб янгиликларни киритяпмиз. Биринчи лига жамоаларидаги хужумчилар хамма зарбаниям аниқ йўллай оладиган даражада эмас. Лекин биз бу борада ишлашдан тўхтамоқчи эмасмиз ва ишлашда давом этамиз.

-  Хакамларга этирозингиз йўқми?
-  Хакамлар учрашувни яхши савияда бошқара олишди. Уларга этирозим йўқ.

Илҳом Дўст Муҳаммад суҳбатлашди