Ислом Исмоилов: "Суперлигага чиқишимиз учун "Шўртан", "Нефтчи" ва "Динамо"ни мағлуб этишимиз керак"
24 окт 2020 18:05
Новости
![](https://championat.asia/upload/storage/599415_original.jpg)
![](/upload/storage/599415_220.jpg)
Ислом Исмоилов: "Суперлигага чиқишимиз учун "Шўртан", "Нефтчи" ва "Динамо"ни мағлуб этишимиз керак"
"Қийин ўйин бўлиши олдиндан маълум эди. "Динамо" жамоаси ҳам ўз олдига юқори мақсадларни қўйган. Икки хил тайм гувоҳига айландик. Биринчи бўлимда футболчилар мукаммал ўйин кўрсатди. Шунинг эвазига ҳисобда олдинга чиқиб олдик. Иккинчи бўлимда жамоа ҳимояга кўпроқ эътибор қаратди. Лекин, ютаётган вақтимизда ҳимояга ётиб олиш топшириғи берилмаган эди. Балки, бу руҳият билан боғлиқдир. Яна таҳлил қилиб кўриб чиқамиз. Ҳимояда кўпроқ ҳаракат қилганимиз ҳисобига рақиб қанотлардан ҳавфли ҳужумларни амалга оширди. Якунда пенальтидан ҳисобни тенглаштирди. Қолаверса, иккинчи бўлимда бизда чизиқлар орасидаги боғламлар узулиб қолди. Футболчилар ўйиннинг тонусини йўқотиб қўйгани ҳисобига биринчи бўлимдагидек ўйнай олишмади.
Тўғри, Суперлигага чиқишимиз учун рақиблардан очко олишимиз керак. Яъни "Шўртан", "Нефтчи", "Динамо" каби жамоаларни мағлуб этишимиз керак. "Шўртан" ҳозир "Оқ-тепа"га ютқазди. Нималар бўлаётганини ҳеч ким тушунмаяпти. Бу турда ғалаба қозонган жамоа кейинги турда очко йўқотмоқда.
Мусобақа формати қай тарзда давом этиши регламентда кўрсатилган. 1-4 ўринни эгаллаган жамоалар Суперлигага чиқиш йўлида ҳаракат қилишади. 5-8 ўриндаги жамоалар эса Про лигада қолиш учун курашишади. Икки давра давомида уй сафар тизимида ўтказилади.
"Турон" академияси борасида амалий ишлар олиб борилмоқда. Маҳаллий мураббийлар иш олиб боряпти. Ота-оналар клубга келишса ходимларимиз билан боғланишлари мумкин",- дейди Ислом Исмоилов.
Похожие новости
![AMP Logo](https://championat.asia/image/logo-amp.png)
Комментарии