Ироқ бош мураббийи: "Барчаси учун Ўзбекистонга миннатдорчилик билдирамиз"

-  Ушбу ўртоқлик учрашувига жиддий тайёргарлик кўрганмиз. Бу биз учун жуда ҳам мухим ўйин. Илк учрашувда биз Ўзбекистон U – 23 терма жамоаси билан ўртоқлик ўйинини ўтказдик. Ўша баҳсни бошқарган бош ҳакамнинг хатти – ҳаракатлари мени умуман қониқтирмади. Ўша ўйинда бош ҳакам аввалига футболчимизга қизил карточка кўрсатди ва бироз ўтиб уни бекор қилдида сариқ карточка билан жазолади. Бу ўртоқлик ўйини, бундай қилиш ярамайди. Бугун Ўзбекистон миллий терма жамоасига қарши иккинчи ўртоқлик ўйинимизни ўтказамиз. Насиб қилса ушбу ўйинда ғалаба қозонишга ҳаракат қиламиз. Ўзбекистон терма жамоаси Осиёда кучли ҳисобланади. Ушбу ўртоқлик ўйини биз учун жуда мухим. Чунки, футболчиларимизнинг камчиликларини кўриб олиб уни бартараф этишга ҳаракат қиламиз. Барчаси учун Ўзбекистонга миннатдорчилик билдирамиз”, - дейди Радҳи Шенаишил.

Жаҳонгир Сотволдиев ёзиб олди