"Интер" шифокори: "Эриксеннинг соғлиғида ҳеч қачон муаммо бўлмаган"

"Бутун 'Интер' оиласи ёмон лаҳзаларни бошдан кечирди. Яқинда биз кенг кўламли тадқиқотлар олиб борамиз. Эриксен яхши ҳолатда бўлиши муҳим, аммо у шу пайтгача ҳеч қандай муаммога дуч келмаган. 'Интер'да бу каби ҳолат кузатилмаган. Италияда саломатлик қаттиқ назорат қилинади", — дейди Вольпи.

Эслатиб ўтамиз, Эриксен Евро-2020'да Финляндияга қарши ўйинда ҳушини йўқотди (0:1). Ҳодиса биринчи бўлим тугашидан бироз олдин, ҳисоб 0:0 вақтида содир бўлган. Шифокорлар футболчига биринчи тиббий ёрдам кўрсатишга ҳаракат қилишди. Улар сунъий юрак массажини амалга оширди ва дефибрилатордан фойдаланишди.

Учрашув эса тўхтатилди. Даниялик футболчилар Эриксенни ўраб олишди ва уни томошабинлар ва камералардан тўсиб қўйишди. Кейинчалик уни томошабинлар олқишлари остида шифохонага олиб кетишди.

13 июнь куни футболчининг аҳволи барқарор ҳолда эканлиги маълум бўлди. У эндиликда тўлиқ тиббий кўрикдан ўтказилади.