​"Интер" Ракитични сотиб олишга ҳаракат қилади

30 ёшли хорватиялик футболчига ҳозирда Миланнинг "Интер" жамоаси жиддий қизиқиш билдирмоқда. "Нерадзуррилар" Ракитични ёзда сотиб олишга ҳаракат қилади. Милан клуби Каталонияга ёзда келадиган Френки де Ёнг билан боғлиқ ҳолатни кузатади. Унга кўра, Ракитич нидерландиялик футболчи сабаб жамоани тарк этишни хоҳлаши мумкин. Шу боисдан ҳам "Интер" Ракитични қўлга киритиш имкони бўлишига ишонмоқда. Ракитичнинг "Барселона" билан шартномаси 2021 йил 30 июнга қадар тузилган. Унинг трансфери эса 65 млн еврога баҳоланмоқда.

Жорий мавусм Ракитич "Барселона" сафида 32 та ўйинда майдонга тушиб, 4 та гол урди ва 3 та голли узатмани амалга оширди.