Инсайдер Романо: "Энцо Фернандес ҳеч қачон "Челси"га ўтишга яқин бўлмаган"
05 янв 2023 11:32
Новости

Инсайдер Романо: "Энцо Фернандес ҳеч қачон "Челси"га ўтишга яқин бўлмаган"

Фабрицио Романонинг ахборот беришича, "Челси" "Бенфика" билан Энцо Фернандес учун тўловлар миқдори ва муддатлар борасида келиша олмаяпти.

"Бенфика" ярим ҳимоячиси ва Аргентина терма жамоаси хавбеки Энцо Фернандес "Челси"га ўтишга ҳеч қачон яқин бўлмаган, дейди инсайдер Фабрицио Романо.

Манбага кўра, клуб вакилларининг бугунги учрашуви ўз самарасини бермаган. Томонлар ҳанузгача мумкин бўлган ўтишнинг асосий деталлари тўловлар миқдори ва муддатлар бўйича келиша олмаган.

Жанлука Ди Марцио 21 ёшли аргентиналик ярим ҳимоячи 127 миллион евро эвазига "Челси"га ўтишга яқин тургани ҳақида хабар берганди. Агар бу амалга ошса, у футбол тарихидаги энг қиммат трансферлар рўйхатида 6-ўринни эгаллайди.

Фернандес жорий мавсум "Бенфика" сафида барча турнирлар доирасида 25 та ўйинда майдонга тушиб, 3 та гол урди ва 5 та голли узатмани амалга оширди. Transfermarkt портали футболчининг нархини 55 миллион еврога баҳоламоқда.

Ссылка :

Источник : twitter.com/FabrizioRomano

Получайте новости прямо в Telegram!

Рейтинг: +2