Инчеон 2014. Хитойнинг олтинлари 126, бизники эса 6 тага етди

Чин юрти вакиллари қўлга киритган олтин медаллари сони 116 тага етди. Шунингдек, уларда 80 та кумуш ҳамда 63 та бронза медали ҳам бор. Умумий медаллари сони – 269 та!

Иккинчи ўринда бораётган мезбонлар ҳисобида 171 та медал мавжуд. Шулардан 54 таси олтин, 56 таси кумуш, 61 таси бронза медалидир. Кучли учликка 38 та олтин, 54 та кумуш, 55 та бронза медалига эга Япония терма жамоаси якун ясаган. Қозоғистон терма жамоаси сафидаги Осиё ўйинлари ғолиблари сони 15 нафарни ташкил этяпти. Шунингдек, ён қўшниларимиз ҳисобида 16 та кумуш, 25 та бронза медали мавжуд. Эрон терма жамоаси (14-11-10) кучли бешликка якун ясаган.

Бугунгача 24 та давлат терма жамоалари камида битта олтин медалга эга бўлиб улгуришди. Умумий олганда, 33 давлат терма жамоалари ғазнасида камида битта Осиё ўйинлари бронза медали бор. Ўзбекистон терма жамоаси эса 6 та олтин, 7 та кумуш, 14 та бронза, жами 27 та медалга эга бўлгани ҳолда 12-поғонадан жой олган.