RU

Последние новости

09:27Sofascore. «Ал Фaйҳа» дуранг ўйнаган баҳсда Шукуров қандай баҳо олди?  0 08:58Маркус Рэшфорд қайси жамоага ўтиш нияти борлиги айтилди  0 08:29«Реал» Алонсо учун «Байер»га қанча товон пули тўлаши маълум бўлди  0 08:00Мавсум якунида Ла Лигадан тушиб кетадиган илк клуб аниқ  0 07:31Саудия Арабистони чемпионати. Шукуров жамоаси сўнгги дақиқаларда мағлубиятдан қутулиб қолди  2 02:33ЛаЛига. "Атлетико" ва "Бетис"дан йирик ғалабалар  0 01:58"Милан"нинг Италия Кубоги финалидаги рақиби аниқ бўлди  2 01:00Паслар даҳоси: Хавининг Эл-Класикодаги энг яхши 5 ўйини  10 00:39Райан Гиггз Роналдунинг МЮдаги илк йилларини эслади  12 00:11Бернарду Силва: "У "Манчестер Сити" тарихидаги энг яхши футболчи"  2 23:47"Реал" Винисиуснинг ўрнига футболчи топиб қўйган  6 23:18ЛаЛиганинг апрель ойидаги энг яхши футболчиси маълум қилинди  2 22:53"Бухоро" — "Машъал" учрашуви қаерда бўлади?  6 22:35"Арал" Про-лигада ўз майдонида сўнгги марта қачон мағлуб бўлганди?  0 22:04"Олимпик" илк ғалабасини Қорақалпоғистонда қайд этган ўйиндан ГАЛЕРЕЯ  0

Илёс Зейтуллаев: "Мағлуб бўлмайдиган жамоа яратиш учун ҳимояланишни, ғалаба қозонадиган жамоа бўлиш учун ҳужум қилишни билиш керак" Новости

Илёс Зейтуллаев: "Мағлуб бўлмайдиган жамоа яратиш учун ҳимояланишни, ғалаба қозонадиган жамоа бўлиш учун ҳужум қилишни билиш керак"

Суперлига 4-туридан ўрин олган "Бухоро" - "Бунёдкор" (0:2) баҳсидан сўнг "қалдирғочлар" устози Илёс Зейтуллаев матбуот анжуманида иштирок этди.

"Бунёдкор" бугун мавсумдаги энг қийин ўйинларимиздан бирини ўтказдик. Айниқса биринчи бўлимда жуда қийналдик. Қарорни мен қабул қилгандим ва якунда кўрдикки, қарорим бироз хато бўлган экан. Танаффусда йигитларга барчасини тушунтирдим ва вазиятни ўзгартиришимиз кераклигига келишиб олдик. Иккинчи бўлимда эса вазиятни ўнглаб олдик. Ўйинни ютолмасанг, мағлуб ҳам бўлма дейишади. "Бухоро" бугунги баҳсга жуда яхши тайёргарлик кўрганини исботлай олди", - деди Илёс Зейтуллаев бугунги баҳсдан сўнг.

- Итсуки Урата ва Темурхўжа Абдиҳолиқовнинг бугунги ўйинда иштирок этмади. Бунга сабаб нима?

- Икки футболчи ҳам биз учун жуда муҳим. Уларнинг йўқлиги сезилди. Нажмиддин Нормуродов бугун жамоага катта ёрдам берди. Нажмиддинни қайси позицияга қўймайлик, у жангчи сифатида жамоага ёрдамга келади. У ҳар куни жамоа унга ишониши мумкин бўлган футболчи эканлигини исботлаб келмоқда. Иккинчи бўлимда эса ассист ҳам қайд этди. Урата тиззасидан жароҳат олган. Абдиҳолиқовни таваккал қилиб майдонга туширишимиз нотўғри бўлар эди. Ҳали олдинда ўйинлар кўп.

- "Бунёдкор"га айнан жарима майдончаси ичида далиллик етишмаётгандек. Менга фақат шундай туюлаётган бўлиши ҳам мумкин. Ушбу фикрга қўшиласизми?

- Ғалабалар кўплигида муаммолар кўринмай қолади. Биз бу жиҳат устида ишлашимиз керак. Биринчи бўлимни ёмон ўтказдик ва муаммоларимиз кўринди. Идеал жамоанинг ўзи йўқ. Биз ҳам ишлашда давом этишимиз керак. Танаффусга қадар бизга мобиллик етишмади. Качорри икки марказий ҳимоячи ичида қолиб кетди. "Бухоро" ҳам рақибни яхши ўрганган экан. Бакаев тажрибали мураббий эканлигини биласизлар. Муаммоларимизга қарамай, иккинчи бўлимни яхши ўтказдик. Мен ушбу туш якунламаслигини истайман.

- Суперлиганинг дастлабки турларида кўпроқ ҳимоявий футбол намойиш этган жамоалар кўпроқ ғалаба қозонган. Ҳимоявий ўйин услуби ва унга қарама-қарши бўлган ҳужумкор футбол ўртасидаги танловда қайси услуб сизга кўпроқ маъқул келади? Ушбу масала бўйича ўзингизнинг фикрингизни айтиб ўтсангиз...

- Менга бир мураббийим айтган эди: "Мағлуб бўлмайдиган жамоа яратиш учун ҳимояланишни билиш керак, аммо ғалаба қозонадиган жамоа бўлиш учун ҳужум қилишни билиш керак". Мен ўша гаплардан сўнг футболда ҳам баланс бўлиши кераклигини тушунганман. Фақатгина ҳимояга ётиб олиб, қарши ҳужумга умид қилиш ҳам нотўғри. Барибир рақиб кўпроқ вазиятларга эга бўлади. Бундай услуб орқали битта ўйинда ғалаба қозониш мумкин, аммо бутун чемпионат давомида, кўпроқ ҳужум қиладиган жамоанинг имкониятлари яхшироқ бўлади. Бугун биз ўзимизнинг кучсиз жиҳатларимизни кўриб олдик. Энди шулар орқали ўйинимиздаги балансни қидирамиз. Йигитлар мавсум бошидан бери ҳар бир нарсани тезлик билан ўрганиб олишмоқда ва ўйинларда қўллашяпти. Қадамба қадам яхшиланиб боришимиз керак. Бу ҳали энди бошланиши.

- Ўтган мавсумда журналистлар сиздан "Бунёдкор" ўйинида қачон сизнинг имзоингизни кўрамиз деб сўрашган эди. Ўшанда сиз мен Пеп Гвардиола эмасман, мен Илёс Зейтуллаевман ва мен ўзимнинг футболимни намойиш этишим учун бироз вақт керак дегандингиз. Орадан бир мавсум ўтди, Илёс Зейтуллаевнинг футбол фалсафасини қачон кўрамиз ёки "Бунёдкор" ҳозир намойиш этаётган ўйин сизнинг услубингизми?

- Футболда бугун ғалаба қозонасиз, аммо тўрт кундан сўнг яна бир ўйин бор ва барчаси бошидан бошланади. Мен бунга ўрганиб кетганман. Ғалаба қозонганимизда бизни мақташади, лекин мағлубиятдан сўнг танқид остида қоламиз. Мен Гвардиола эмасман деганимдан сўнг интернетда кўпчилик кулишганди, мен шунчаки ҳазиллашгандим. Мендан журналистлар ўйин имзоси ҳақида сўрашганди ва мен ўшанда бир ҳафта ёки бир ой ичида нимани ўзгартира олишим мумкин дея жавоб бергандим. Бунинг ростдан ҳам иложи йўқ эди. Жорий мавсумда мен жамоада ўрганувчанлик ҳиссиётини кўряпман. Қачондир ғалаба қозонамиз, қачондир эса йўқ. Мана шундай "оғир" ўйинлар ҳам учраб туради. Бугун биз мавсумдаги энг қийин учрашувимизни ўтказдик. "Бухоро" жуда-жуда ноқулай рақиб. Биринчи бўлимда рақиб дарвоза тўсинини нишонга олди ҳам.

Рейтинг: +2   

Комментарии

+2   
04 апр 23:04:58
Бахтиёр Ашуров
Илёс яхши мураббий экан. Ўтган йилиям яхши ишлаганди!
   
05 апр 12:49:49
rustam
ЕСЛИ БЫ БАКАЕВ НЕ ПОМЯНЯЛ БЫ СВОИХ НАПАДАЮЩИХ НА СЛАБЫХ ЗАЩИТНИКОВ ОСОБЕННО БЫВШИЙ ИГРОК БУНЕДКОРА ДЖУРАБЕКОВ ТО БЫЛА БЫ НИЧЬЯ
   
05 апр 11:28:05
Shovruq88
Yevropa havosi ni olib keldi Bunikka!Va super ligaga!U koʻrgan va U biladi!Sifatli legionerlardan ham maʼlum
Maqsad soqqa qilish emas futbol !
   
05 апр 04:24:56
Farxod Sadullayev
Шу Илёс Гвадиолага кариндош эмасму
   
05 апр 00:20:32
Bek
Ответ на комментарий пользователя Khimoyiddin Khujakulov
Najmiddin Normurodov haqiqiy jangchi ????????????
Шу бола насаф академиясидан сиккан рущикулни тактикасига тушмадими еки бошка билмадиму лекегин насаф шу болани кадрига етмади универсал уйинчи шу нормуродов
   
04 апр 23:53:38
negmat karabaev
химоялинишни билиш керак дейдими? бизга биладигон тренер керак эмас. омадлиси керак. факат , олга!
   
04 апр 23:47:01
Бек 75
4 - турда шунчалик кийналдингми Иля
   
04 апр 23:39:35
Khimoyiddin Khujakulov
Najmiddin Normurodov haqiqiy jangchi ????????????
   
04 апр 23:32:17
Baxtigali Adilov
Хозирча яхши.зор кетаяпсизлар
championat.asia
< посмотреть последние новости
Яндекс.Метрика