Илёс Қурбонов: "Пенальтилар сериясида руҳият кўпроқ рол ўйнайди"
05 июл 2024 00:43
Новости

Илёс Қурбонов: "Пенальтилар сериясида руҳият кўпроқ рол ўйнайди"

Ўзбекистон кубоги нимчорак финалидан ўрин олган "Металлург" - "Сурхон" учрашувидан сўнг мезбонлар мураббийи Илёс Қурбонов фикрларини билдириб ўтди.

"Ўйлайманки, бугунги ўйин қизиқарли руҳда ўтди. Рақиб билан яқинда чемпионат доирасида тўқнаш келган эдик. Кучли ва кучсиз томонларини ўрганиб чиққан эдик. Бугун бироз ўзгаришлар қилдик, доим 5 та ҳимоячи бўлиб ўйнаётган бўлсак, энди 4 та ҳимоячи тактикасида ҳаракат қилдик. Йигилар курашди, вазиятлар бўлди. Кўрсатмаларни бажаришди. Умуман олганда ютиб кетсак ҳам бўлар эди. Пенальтилар сериясида кўпроқ руҳият рол ўйнайди. Омад "Сурхон"га кулиб боқди",- дейди Илёс Қурбонов

- Ўйиндаги биринчи гол ҳақида нима дея оласиз?

- Биринчи голда тўп дарвозага кирганди шекилли. Тўп иккита тўсинга тегди. ВАР вазиятни кўриб чиқди.

- Жамоанинг асосий ҳимоячиси Ризо Яздандўст иккита ўйиндан бери кўриниш бераётгани йўқ...

- Онаси бетоблиги ва операция қилдириши учун ўз аризасига кўра жамоадан кетди. Дўстона хайрлашдик.

Ссылка :

Источник : Championat.asia

Получайте новости прямо в Telegram!

Рейтинг: