Илҳом Мўминжонов: "Навбаҳор"ни олий лигада олиб қолиш учун келдим"

"Навбаҳор" жамоасини бошқаришга розилик берганим рост. Бу клуб ҳали Ўзбекистон олий лигасидан ҳеч қачон тушиб кетмаган. Бизнинг вазифамиз жамоани элитада сақлаб қолишдан иборат. Бу борада мен бор кучимни ишга соламан. Вилоят ҳокими билан суҳбатда мен эркин ишлашим учун шароит қилиб беришларини айтдим. Ҳоким эса менга эркинлик яратиб берди. Энди қисқа муддат ичида вазифани бажаришимиз керак", - дейди Илҳом Мўминжонов "Футбол Экспресс" газетасига берган интервьюси чоғида.