RU

Последние новости

21:10Хейсен «Сосьедад»га қарши ўйиндаги ўз четлатишини ВАР бекор қилиши керак эди деб ҳисоблайди  0 21:09ОЧЛ 2. "Ал Аҳли" - "Ал Ҳалдия". "Андижон"нинг гуруҳидаги иккинчи ўйин старт олди (онлайн ҳисоб)  0 20:38ОЧЛ-2. "Андижон" меҳмонда "Аркадағ" билан дуранг ўйнади  103 19:36Гвардиола «Ман Сити»ни ЧЛда ғолибликка даъвогар деб ҳисобламайди: «Аниқ йўқ. Фақат лаҳзалардан роҳатланиб, бу ерда бўлганимиздан хурсандмиз»  2 18:31Собиқ ҳакам Буррул «Реал»нинг иккинчи пенальтиси ҳақида: «Нотўғри белгиланган. Ўйинчи йиқилди, қўл ҳаракати табиий»  19 17:29"Қизилқум" майдондан чиқишни хоҳламаган футболчи билан шартномани бекор қилди  10 17:15Қайси клуб ҳозирги таркиби учун энг кўп пул сарфлаган?  9 16:50Пролига 15-турида ишловчи расмийлар  0 16:21Осиё томон йўлга чиқиш навбати "Андижон"га — ОФКнинг клублар мусобақаларида қатнашган барча ўзбек клублари  17 16:06"Реал" юлдузларидан бири 1.5 ойга сафдан чиқди  7 16:00Биринчи лига 15-турида ишловчи расмийлар  1 15:20"Насаф"нинг ОЧЛдаги 9-мавсуми бошланди  12 15:20Туғилган кун муборак, ўзбек футболи қироли — Миржалол Қосимов!   256 14:50"Реал" Чемпионлар лигасида пенальтилар сони бўйича рекордчи бўлди  13 14:33Ямал "Барселона"нинг қайдномасига киритилмади  0

Илҳом Мўминжонов: "Футболчи ўзи ҳаракат қилмаса, унинг фамилияси бир тийин" Новости

Илҳом Мўминжонов: "Футболчи ўзи ҳаракат қилмаса, унинг фамилияси бир тийин"

Ўзбекистон кубоги гуруҳ босқичи 3-туридан ўрин олган "Навбаҳор" - "Нефтчи" (2:0) учрашувидан сўнг меҳмонлар бош мураббийи Илҳом Мўминжонов матбуот анжуманида иштирок этди.

Ўйин ҳақида

- Бугунги ўйинга жиддий тайёргарлик кўргандик. Биз ҳар бир ўйинга жиддий ёндашамиз. Чемпионатдаги омадсиз серия кубок учрашувларида ҳам такрорланиб қолди. Шундан келиб чиқиб хулоса қиламиз. Дарвозабонимизнинг қўпол хатоси биринчи голга сабаб бўлди. Иккинчи гол стандарт вазиятдан урилди. Кейин майдонда 10 киши бўлиб қолдик. Ҳар томонлама хулоса қилган холда Суперлига 5-турига тайёргарлик кўрамиз. "Навбаҳор"ни ғалаба билан табриклаймиз. Энди бор эътиборимизни чемпионат ўйинларига қаратамиз.

- "Навбаҳор" сиз учун қадрдон клуб ҳисобланади. Қачондир "Навбаҳор"га қайтиш режангизда борми? Кейин бугунги мағлубиятга ҳимоявий ўйин сабаб бўлди деб ўйлайсизми? 

- Шиддатли ўйин водий дербисида кузатилиши аниқ эди. Дастлабки дақиқаларни яхши бошладик. Кейинроқ рақиб ўйинни ўзи томонга бура олди ва кучли ҳужумлар ташкил этди. Хатолар устида ишлаймиз. Бизда йўқотишлар бор.

"Навбаҳор"га қайтиш ҳақидаги саволингизга келсак, ер думалоқ, балки бир кун келиб амалга ошар. Лекин ҳозир фақат "Нефтчи" ҳақида ўйлашим лозим. Суперлигага жамоани олиб чиқдик, эндиликда раҳбарият олдимизга қўйган вазифаларни бажариш учун ҳаракат қилишда давом этамиз.

- Аббос Ғуломов қанотларда фойдалироқ ҳаракат қиларди. Сиз уни марказда ўйнатаётганингизга сабаб нима?

- Марказда Лутфулла Тўраев жароҳати туфайли муаммо бор эди. Шу сабабдан уни марказга қўйдик. Қанотларда футболчиларимиз бор. У ҳозир Александр Ешичдан кўра ҳам марказда яхши ўйин намойиш этмоқда. Дониёр Нарзуллаев, Умар Адҳамзода каби футболчиларимизда ҳам жароҳат бор.

- Ҳужум чизиғида барқарорлик етишмаётгандек туюлмоқда. Бунга нима сабаб деб ўйлайсиз?

- Ҳужум чизиғида номдор футболчилар бор. Ҳозирги футболда натижани фамилиялар ҳал қилмайди. Биз машғулотларда бу бўйича ишлаяпмиз. Муаммо уларнинг ўзида. Бугунги ўйиндан сўнг улар яна хулоса қилишади. Футболчининг ўзи ишламаса, унинг фамилияси бир тийин. Улар ҳаракат қилишмоқда, натижа беришига умид қиламиз. "Қизилқум" билан ҳам ёмон ўйнамагандик, тўп назорати биз томонда бўлганди. Лекин гол ура олмадик. 4 та турдан сўнг 2 та гол урганмиз, улар ҳам пенальтидан. Кубокда 2 та гол урдик, бу кам. Биз мураббийлар бу каби хатоларни бартараф этиш учун ишлаймиз.

- Мавсумолди интервьюларингиздан бирида биринчи турда "Навбаҳор"га қарши ўйнашни айтгандингиз. Бунинг сабаби нима? 

- Бу саволни берганингиз яхши бўлди. Бу гапни "Нефтчи" билан ўйинда стадион тўлиши учун айтгандим, лекин тўлмади. Барибир 2 мингдан зиёд мухлис келди.

Рейтинг: +5   

Комментарии

championat.asia
< посмотреть последние новости
Яндекс.Метрика