Иккинчи лига. Хоразм вилояти биринчилиги бошланди

У ерда маҳаллий “Наврўз” жамоаси урганчнинг “Умид ниҳоллари-2015” жамоасини қабул қилди. Ўйин аввалида вилоят футбол федерацияси ва Янгиариқ тумани ҳокимлиги вакиллари иштирокида жорий йилги мусобақанинг очилиш маросими ташкил этилди. Тантанада қатнашган туман ҳокими, туман футбол федерацияси президенти К. Собиров биринчилик иштирокчиларига омадлар тилади. Шунингдек, стадионга йиғилганлар қишлоқ ўйингоҳини қуришда ва уни кўркам тус олишида оиласи билан жонбозлик қўрсатган, асли касби  шифокор бўлган Баҳодир Собировга миннатдорчилик ҳиссини билдиришди. Қизиқарли кечган мазкур учрашувда мезбонлар 3:2 ҳисобида ғалаба қозонишди.

Турнинг иккинчи ўйини Урганч шаҳрида бўлиб ўтди. Унда “УрДУ” ва “Урганч ОЗК-1” жамоалари майдонга тушишди. Унда олийгоҳ талабаларининг қўли баланд келди, 5:2. Гурлан туманида ўтказилган “Гурлан” ва “Шохобод”(Шовот тумани) жамоалари ўртасидаги ўйинда майдон эгалари 4:2 ҳисобида зафар қучишди.

Икром ХУДОЙБЕРГАНОВ.