Иккинчи босқич якунлари. Яна олий лигага қайтган “Шўртан” ҳақида
06 ноя 2014 13:27
Новости

Иккинчи босқич якунлари. Яна олий лигага қайтган “Шўртан” ҳақида

Хабарингиз бўлса керак, ўтган ҳафтада биринчи лига ўйинлари поёнига етди. Бугундан эътиборингизга иккинчи босқич якунларига бағишланган жамоаларнинг статистикасини ҳавола этамиз.

Бу борада дастлаби мақолани бир йиллик танаффусдан сўнг яна кучлилар сафига қайтган “Шўртан”дан бошладик.

Мухтор Қурбонов бошқарувидаги жамоа ўз олдига қўйилган вазифани кутилганидек бажарди.
Иккинчи босқичда “Шўртан”нинг қайдлари қуйидагича бўлди.

Ўйинлар	16
Голлар	37
Уйда	23 (62,16%)
Сафарда	14 (37,84%)
Ўтказиб юборилган голлар	13
Уйда	6 (46,15%)
Сафарда	7 (53,85%)
Ўртача урилган голлар	2,31
Ўртача ўтказиб юборилган голлар	0,81
Уйдаги очколар	24/24 (100 %)
Сафардаги тўпланган очколар	13/24 (54,17 %)
Энг йирик ғалаба	5:1 – “Хотира-79”
Энг йирик мағлубият	1:2 – “Пахтакор-2”, “Қўқон-1912”
Гол ўтказмаган ўйинлар	7 (43,75%)
Гол ура олмаган ўйинлар	2 (12,5%)
Иродали ғалаба	2
Иродали дуранг	0
Иродасиз мағлубият	1
Иродасиз дуранг	0
Йирик ғалаба	4
Йирик мағлубият	0
Автогол (урилган/ўтказиб юборилган)	0/1
Огоҳлантириш (ўртача)	28 (1,75)
Четлатиш (ўртача) – Тўғридан-тўғри/2СК	1 (0,06) - 1/0
Мухлислар (жами/ўртача)	19649/1228

Ғузорликлар иккинчи босқичда гол уришга бироз қийналгандек таассурот қолдирди. Жамоа 16 ўйинда жами 37 бор тўп киритишга муваффақ бўлди. Ҳар бир баҳсга ўртача 2,31тадан гол демакдир. Худди биринчи босқичда бўлгани каби, иккинчи босқичда ҳам жамоа тўпурари Виктор Клишин бўлди. 32 ёшли ҳужумчи бутун бир мавсум мобайнида 40та гол уриб, чемпионат-2014 тўпурари бўлганини ҳам айтиб ўтиш керак. Бу орқали Клишин ўзини элита жамоаларига эслатиб қўйди. Ажаб эмаски тажрибали футболчи келаси йил олий лигага қайтса.

Ким қанча гол урди?

Футболчи	Гол	Пен.
Виктор Клишин	12	(5)
Юсуф Бўриев	5
Ғуломхайдар Ғуломов	4
Арайк Бобоев	2
Ислом Каримов	2
Қаҳрамон Мухаммаджонов	2
Умар Эшмуродов	2
Элёр Интизомов	2
Ботир Қодирқулов	1
Ғулом Раҳмонов	1
Дурбек Камолов	1
Мақсуд Маҳмудов	1
Олим Каримов	1
Ҳусниддин Ғофуров	1