Игуаин терма жамоадаги фаолиятини якунлашга қарор қилди

У сўнгги бора бош жамоа либосида ЖЧ-2018 гуруҳ босқич 3-тури доирасидаги Нигерияга қарши баҳсда (2:1) майдонга тушганди. 

«Аргентина? Эришганларимдан мамнунман. Ушбу қарорни қабул қилишда мени қўллаб-қувватлаган оиламдагиларга миннатдорчилик билдираман. Энди эътиборимни бошқа нарсаларга қаратиш ниятидаман», дея қайд этган 31 ёшли ҳужумчи. 

Аввалроқ, Игуаин  ўз ватанига қайтиб, «Ривер Плейт»да ўйнашга тайёрлигини айтганди.