Игорь Йелич: "Ар Райан"ни мағлуб этсак гуруҳдан чиқиш имкониятларимиз кескин ошади"
11 мар 2019 14:24
Новости

Игорь Йелич: "Ар Райан"ни мағлуб этсак гуруҳдан чиқиш имкониятларимиз кескин ошади"

Бугун ОЧЛ 2-турида "Локомотив" Қатарнинг "Ар Райан" клуби билан ўйнайди.

"Локомотив" клуби ярим ҳимоячиси Игорь Йелич учрашувдан олдин ўз фикрларини билдирди.

"Ўтган йил ҳам шу ерда эдим. ОЧЛни 5:0 ҳисобидаги ғалаба билан бошлагандик. Аммо кейин омадимиз келмаганди. Аммо ўтган йилги натижаларни унутдик. "Ар Райан"ни мағлуб этсак кейинги босқичга чиқиш имкониятларимиз кескин ошади. Рақибни ўрганиб чиқдик. Футболчилар ҳақида барча маълумотлар бор. Йигитларнинг барчаси ўйинга тайёр. Кайфиятимиз аъло даражада.

Ўтган йил "Ал Дуҳайл" билан иккала ўйинда ҳам тенгма-тенг ўйнагандик, фақат омадимиз келмаганди. Қатар клублари билан ўйнаса бўлади.

Осиё чемпионлар лигасида учун энг асосийси натижа, ҳамма ўйинда 1:0 ҳисобида ютсак ҳам бахтли бўламиз", - дейди Игорь Йелич.