Игорь Шквирин: «Ҳеч бир жамоа бир маромда ўйнай олмайди»

— Аввалам бор жиззахликларни ғалаба билан табриклайман. Лекин биз бугун мағлубиятга учрайдиган ўйин намойиш қилмагандик. Тўпни кўпроқ ўз назоратимизда ушлаб турдик. Бир қатор голга тортадиган имкониятлардан фойдалана олмадик. Иккинчи бўлимда қилган мажбурий икки футболчини майдонга туширишимиз, бизни ўйинимизни бироз кучсизлантирди. Бугун бир қатор асосий таркиб футболчиларимиз жароҳатлар ва беморликлари сабаб ўйинда қатнаша олишмади. «Сўғдиёна»ни олий лигада қолиш имкониятлари ҳақида ҳеч нарса дея олмайман. Жамоани ўзи ўз тақдирини ҳал қилади. Бугунги ўйингача кўпчиликда ҳар ҳил гаплар юрганди. «Олмалиқ» ютса ҳам ютказса ҳам ҳеч нарса йўқотмайди, қолган ўйинларни ютказиб берса керак» — деган гаплар кўпайиб кетгани учун ҳам ғалаба қозонишимиз шарт эди. Футболчиларимиз бор кучлари билан ҳаракат қилишди. Олдимизга ОЧЛ йўлланмасини қўлга киритиш вазифаси қўйилган эди. Бироқ бу футбол. Ҳеч бир жамоа бир маромда ўйнай олмайди.