Игорь Шквирин: "Бундай ўйин билан ғалаба қозониб бўлмайди""

"Бугун кўрсатган ўйинимиз орқали ғалаба қозона олмасдик. Машғулотларда бошқа нарсани, ўйинда бошқа нарсани кўрсатаяпмиз. Агар ўйинга четдан қарасак, Ўзбекистон миллий терма жамоаси мураббийига ачинаман. Сабаби бир қатор номзодлар жуда ёмон ўйнашди. Яратган вазиятларимиз барчаси оддий вазиятлар эди", - деб гап бошлади Шквирин.

"Агар ўйинда яратилган барча вазиятлардан фойдалана олганимизда ҳисоб анчайин бошқача бўларди. Жароҳатлар туфайли захира ўриндиғимиз жуда торайиб қолди".

"Олмалиқлик ёш футболчилар нима учун кам дейишади. Сабаби 7 йил давомида мактаб шунчаки ишлади. Шу боис ҳам ёшлар йўқ".

"Муборакда ўйин бўйича ютқаздик, Фарғонада жуда кўп имкониятларга эга бўлдик, аммо телевидение фақат урилган голларни кўрсатади. Бугун эса ҳеч нима қила олмадик".

"Бунёдкор" футболчилари нима учун кўп гол ура олишмади? Сабаби рақиб ўйинчилари жуда кўп зарбалари дарвозабоннинг ўзига борди, Рашидовнинг зарбалари ҳам у қадар ўткир чиқмади".

"Агар ОЧЛга ҳаракат қилишда давом этсак таркибни кучайтирамиз. Агар 6-ўринни қўлга киритиш вазифаси бўлса таркибни кучайтиришдан маъно йўқ".