RU

Последние новости

22:50Асрор Алиқулов: "Шўртан"да ким ишламасин ёки клубимизга ким алоқадор бўлмасин ҳамма ғалабани кутаётганди"  0 22:45Суперлига. "Шўртан" – ОКМК 4:3  0 22:28Миржалол Қосимов: "Агар имкониятим бўлганида футболчилар миясига кириб иккинчи таймга нима хаёлда чиқишганини билган бўлардим"  3 22:10Гвардиола Родри ва Холанднинг ҳолати ҳақида маълумот берди  0 21:53Саудия Арабистони. "Ал Ҳилол" ғалаба қозонди  0 21:31"Шўртан" 4 ой деганда ғалабага эришди  2 21:29Туркия. "Истанбул Башакшеҳир" - "Кочаэлиспор" баҳси асосий таркиблари маълум!  6 21:13Нидерландиялик мутахассис "Бунёдкор" футбол академиясига ташриф буюрди  1 20:51БАА. "Бани Яс" дуранг қайд этди, Шукуровдан ассист  2 20:29Суперлига. "Шўртан" голларга бой ўйинда ОКМКни мағлуб этди  42 19:59"Реал" Хаби Алонсо хоҳишига биноан "Энфилд"да жамоавий машғулот ўтказмайди  12 19:32"Леванте" ҳужумчиси топ-клублар назарига тушди  0 19:03Хаби Алонсо Винисиус хулқ-атвори учун жазоланадими ёки йўқлиги ҳақида маълум қилди  6 18:36Расман: "Барселона" "Камп Ноу"га қайтмоқда  3 18:15"Реал"да ойнинг энг яхши футболчиси аниқланди  2

Игорь Сергеев: "Сунъий майдон катта муаммо бўлмайди деган умиддаман" Новости

Игорь Сергеев: "Сунъий майдон катта муаммо бўлмайди деган умиддаман"

Сречко Катанец бошчилигидаги Ўзбекистон терма жамоаси Жаҳон чемпионати саралаш баҳсларига тайёргарликни бошлади.

Бугундан Тошкентда йиғинга киришган терма жамоамиз ихтиёрига легионерларимиз ҳам келиб қўшилмоқда. Таиланднинг "Патум Юнайтед" клуби ҳужумчиси Игорь Сергеев бўлажак ўйинлар олдидан фикрларини билдириб ўтди.

- Терма жамоа йиғини бошланди. Муҳим учрашувлар олдидан тайёргарлик қандай кетмоқда?

- Бугун йиғилдик. Терма жамоадаги атмосфера аъло даражада. Расмий ўйинларга тайёргарликни бошлаймиз. Жанговар руҳиятдамиз.

- Рақибларимиз Туркманистон ва Эрон ҳақида гапириб ўтсангиз. Ўзингиз ҳам ушбу терма жамоаларга қарши кўп маротаба ўйнагансиз.

- Эрон кучли терма жамоа эканлигини ҳаммамиз биламиз. Эрон қарши учрашувда 100 фоиз эмас, 1000 фоиз иштиёқ билан ўйнаш керак. Туркманистонга келадиган бўлсак, улар ҳам яхши жамоа. Биз меҳмонда ўйнаймиз ва у ердаги майдон сунъий қопламага эга. Рақиблар ҳақида кўп гапириш мумкин, аммо биринчи навбатда ўзимиз руҳий ва жисмоний томонлама тайёр бўлишимиз керак. Ташқи факторларга эътибор бермасдан тайёргарлик кўришимиз зарур.

- Сунъий майдон ҳақида гапирдингиз. Ҳужумчи учун сунъий қопламада футбол ўйнаш қанчалик қийин.

- Мен уч мавсум Қозоғистон чемпионатида тўп тепдим. Қозоғистон чемпионатидаги 70 фоиз стадионлар сунъий майдонга эга. Тўғри сунъий қопламада ўйнаш ноқулай, аммо мен учун бу янгилик эмас. Қолган футболчиларга қанчалик қийин бўлади билмадим. Ҳозир "Жар"да табиий майдонда шуғулланмоқдамиз. Бу тўғри қарор, сабаби анча салқин тушиб қолди. Жароҳат олиш хавфи кўпроқ. Сунъий майдон катта муаммо бўлмайди деб ўйлайман. Биз барчамиз профессионаллармиз ва ушбу шароитга тез кўникиб кетишга ҳаракат қиламиз.

- Таиланд чемпионати ҳақида гапириб ўтсангиз. Клубингиз ва Таиланд чемпионати қай даражада экан?

- Янги клубим менга ёқяпти. Таиланд чемпионати бундай даражада бўлишини кутмаган эдим. Барча шароитлар яратилган. Мен у ерга ўтганимга бор йўғи 6 ой бўлди. Ҳали тўлиқ хулосага келишга улгурмадим. Дастлабки таассуротларимдан келиб чиқиб айта оламанки, Таиланд чемпионатининг даражаси ўзимизнинг Суперлигадан кам эмас.

- Қозоғистон чемпионатида икки мавсум аввал чемпион бўлган эдингиз. Бу мавсум эса Бобир Абдиҳолиқов Қозоғистон чемпионатида ғолиб бўлди. Бобурга Қозоғистон чемпионати ҳақида нималарни маслаҳат бера оласиз?

- Мен Бобурни табриклайман. Фақатгина Бобур эмас, ҳамюртимиз Шаҳбоз Умаров ҳам чемпион бўлди. Мен улар учун хурсандман ва омад тилайман. Ғолибларни баҳолаш нотўғри, улар чемпион бўлишди. Шунинг ўзи етарли.

Рейтинг: +7   

Комментарии

championat.asia
< посмотреть последние новости
Яндекс.Метрика