Игнатий Нестеров: "Эронга қарши ўйинда мухлисларимизни хурсанд қилиш учун бор кучимизни ишга соламиз"
07 сен 2018 13:56
Новости

Игнатий Нестеров: "Эронга қарши ўйинда мухлисларимизни хурсанд қилиш учун бор кучимизни ишга соламиз"

Ўзбекистон терма жамоаси дарвозабони Игнатий Нестеров Сурияга қарши ўртоқлик учрашувидан (1:1) сўнг, баҳс ҳақида фикр билдирди.

"Сурия билан дурангдан хафа бўлиш керак эмас. Янги мураббий қўл остида биринчи ўйинимизни ўтказдик. Бу ўртоқлик ўйини. Ушбу баҳсдаги хатоларимиздан керакли хулосани чиқарамиз. Бундай ўртоқлик учрашувлари ўз кучимизни синаб олиш, мураббий нимага қодирлигимизни кўриб олиши учун хизмат қилади. Эртага ўйинни таҳлил қиламиз ва хатолар устида ишлаймиз. Навбатдаги учрашувимиз 11 сентябрь куни Эрон терма жамоасига қарши бўлиб ўтади. Бу ўйинда мухлисларни хурсанд қилиш учун бор кучимизни ишга соламиз.
Бугун Ўзбекистон терма жамоаси сафида ўзимнинг юбилей - 100-учрашувимни ўтказдим. Ҳозирча фаолиятимни якунламоқчи эмасман. Терма жамоадан чақирув келаверар экан, унинг шарафини ҳимоя қилишга доимо тайёрман" - дейди Нестеров.