Иброҳим Томива: "Оқ-тепа" фаолиятимда янги саҳифа очди"
03 сен 2020 15:30
Новости

Иброҳим Томива: "Оқ-тепа" фаолиятимда янги саҳифа очди"

Трансферлар вақтида Тошкентнинг "Оқ-тепа" жамоасидан "Қизилқум"га йўл олган Иброҳим Томива кеча "Хоразм" билан учрашувга собиқ жамоадошларини қўллаб-қувватлагани ташриф буюрди.

Учрашувдан сўнг маҳоратли футболчи ўзининг фикрлари билан ўртоқлашди.

"Қизилқум"га ўтганимдан хурсандман. Бунинг учун "Оқ-тепа" клуби раҳбарларига ва мураббий Алишер Шоғуломовга раҳмат айтаман. Мана шу қисқа вақт оралиғида клуб менинг иқтидоримни юзага чиқаришга катта ҳисса қўшди. Трансферни клуб билан бирга амалга оширдик. Албатта, Суперлига ва Про лига ўртасида фарқ катта. Суперлигада ўйнаш бир мунча қийин."Оқ-тепа" фаолиятимда янги саҳифа очди. Ўйин услуби, машғулотлар, менталитет, пас билан ўйнаш, майдонда қандай ҳаракат қилиш каби кўп янги нарсалар кашф қилдим. Африка футболи умуман бошқача. Сиз Ўзбекистонга келдингизми демак 3-4 баробар кўпроқ ишлашингиз керак",- дейди Томива.

Абдулазиз Искандаров ёзиб олди.

Ссылка :

Источник : championat.asia

Получайте новости прямо в Telegram!

Рейтинг: +10