Иброҳим Отахонов: “Жамоавий ўйин ғалабамиз омили бўлди”
06 авг 2016 15:08
Новости

Иброҳим Отахонов: “Жамоавий ўйин ғалабамиз омили бўлди”

Олий лиганинг 16-туридан ўрин олган “Андижон” – “Пахтакор” (1:0) учрашувининг энг яхши ўйинчиларидан бири бўлган Иброҳим Отахонов ўйин якунлангач ўз фикрларини билдириб ўтди.

Айтиш керакки, Отахонов “championat.asia” сайтининг рамзий терма жамоасидан ўрин олди.

- “Пахтакор”га қарши баҳсга фақат ғалабани кўзлаб чиққандик. Чунки мухлисларимиз муваффақиятли ўйинларни соғиниб қолишганди. Ҳамма йигитлар бир ёқадан бош чиқариб, астойдил мехнат қилди. Бу эса ғалабамиз омили бўлди. Таркибимизда яққол бир етакчи ўйинчи йўқ. Лекин ҳамма бир-бирини қўллаб-қувватламоқда. Иштиёқ ҳам юқори бўлди.

- Очиғини айтсам, “Пахтакор”дан бундан-да кучлироқ ўйин кутгандим. Тан олиш керак, аввалги “Пахтакор” билан ҳозиргисини фарқи бор. Айни дамда уларда асосан ёшлар ўйнамоқда. Лекин ўйини яхши шаклланган.

- Тур рамзий терма жамоасидан ўрин олишимни кутмагандим. Бу ҳақда жамоадошларим хабардор қилди. Албатта бундай эътирофдан хурсанд бўлдим. Келгуси баҳсларда ҳам жамоага қўлимдан келганича ёрдам беришга харакат қиламан – дейди Иброҳим Отахонов.

"Андижон" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: