Ҳусайн Шодиев: "Очиқ футбол сабабли кўплаб голлар ўтказиб юбордик"

"Бугун биз кўплаб хатоларга йўл қўйдик. Айниқса, ҳимояда. Бугунги ўйин олдидан берган кўрсатмаларим ўзини оқламади. 

Таиландга қарши бўлиб ўтган биринчи ўйинда ҳимоявий тактика танлагандик. Сабаби, улар Осиёнинг ҳужумкор жамоаларидан бири ҳисобланади. Бугунги ўйинда эса очиқроқ футбол намойиш этишга ва кўпроқ ҳужум уюштиришга ҳаракат қилдик. Бунинг оқибатида эса дарвозамиздан кўплаб голлар ўтказиб юборишга мажбур бўлдик. 

Вьетнам кучли ва ҳужумкор жамоалардан бири эканлигинии бугун яна бир бор намойиш этдик. 

Аввалги ўйинда ҳам бу ҳақида айтиб ўтгандим: менинг жамоам жуда ёш ва бизга бироз тажриба етишмагани мана шундай муваффақиятсиз натижага сабаб бўлди. Кейинги турдаги ўйин эса ёш футболчиларим учун тажриба вазифасини ўтаб беради. 

Дастлабки ўйинларда кам майдонга тушган футболчиларга кейинги ўйинда кўпроқ имконият бераман", дея ўз фикрларига якун ясади тожикистонликлар бош мураббийи.