Ҳозирги футболчиларнинг интервьюси бир тийинга қиммат
10 янв 2018 14:56
Новости

Ҳозирги футболчиларнинг интервьюси бир тийинга қиммат

Германия терма жамоаси ва "Бавария" клуби собиқ футболчиси Марио Баслер ҳозирги замон футболчилари микрофон қаршисида қолипдаги гаплардан нарига ўта олмаётгани учун кескин танқид қилди.

"Ўйиндан кейинги интервьюларни кўргим келмайди. Ҳамма футболчиларнинг топиб олган гапи бир хил. Шу боисдан учрашувдан кейинги бир тийинга қиммат интервьюлар пайтида телевизор овозини ўчириб қўяман. Чунки футболчилар ўша қолипдаги навбатчи гаплардан нарига ўтишмайди: "Рақиб бугун яхшироқ ўйнади, омад етишмади ва ҳоказо.
Бирорта ҳақиқатни айта оладиган мард футболчи йўқ. Мен ҳар доим очиқ-ойдин гапирганман. Камера қаршисида ўйинимиз аҳлат қутисига ўхшаши ҳақида бемалол айтишим мумкин", - дейди Марио Баслер.