Ҳожимат Эркинов: "Спартак" билан ўйинда фақат ғалаба қозонишни ўйлаяпмиз"

Ушбу ўйинда рақиб Москванинг "Спартак" жамоаси бўлади. Учрашув олдидан "шерлар"нинг иқтидорли ёш футболчиси Ҳожимат Эркиновнинг фикрлари билан қизиқдик. 

"Йиғинни кўнгилдагидек давом эттирмоқдамиз. Биринчи баҳс Россия чемпиони "Зенит"га қарши бўлиб ўтди. Секин-аста спорт формасига кириб боряпмиз."Спартак" билан ўйинга яхши тайёргарлик кўрдик. Кунига икки маҳалдан машғулотлар олиб борилмоқда, шу орқали жисмоний ҳолатимизни яхшилаб боришга ҳаракат қилмоқдамиз, дея оламан. 

Хориж жамоаларидан таклиф? Тўғрисини айтсам, билмадим. Бу ҳақида фақат "Пахтакор" раҳбарияти билиши мумкин. 

"Спартак"га қарши муносиб тўп тепиб, ғалаба қозонишни хоҳламоқдамиз. Мураббийлар ўйинда ишончли тарзда ҳаракат қилиб, спорт формамизни янада юқори даражага олиб чиқишимизни таъкидлашди. 

Ўз позициямдаги рақобат ҳақида фикр билдирсам - кучли рақобат доим ўсиш учун хизмат қилади. Бундан қўрқиш керак эмас. Қўрқсам ютқазиб қўяман", - деди Эркинов.

Реклама