RU

Последние новости

12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  6 11:56Тимур Кападзе Паулу Бенту ҳақида фикр билдирди  16 11:44Карлуш Кейруш: "Бир неча йил аввал Ўзбекистон футболи "уйқу"да эди"  7 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  5 10:53Довбик А Сериянинг бошқа жамоасига ўтишга яқин  3 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  46 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5

Ҳасанбой Дўстматов: "Бўш вақт топилди дегунча футбол ўйнайман" Новости

Ҳасанбой Дўстматов: "Бўш вақт топилди дегунча футбол ўйнайман"

2016 йилнинг 14 август оқшомида миллионлаб юртдошларимиз, спорт ихлосмандларининг қалби қувончу шодликка тўлди.

Шу куни Олимпия ўйинларининг бокс бўйича вазни 49 килограммгача бўлган боксчилар беллашувида қатнашган ўзбек ўғлони Ҳасанбой Дўстматов олтин медалга сазовор бўлиб, дунёда тенгсиз эканини исботлади.  «Эрудит СПОРТ» нашри “Эксклюзив интервью” лойиҳасининг навбатдаги сонида юқори тезлик ва техника соҳиби билан суҳбатлашди.

 – Ҳасанбой, маълумотларга қараганда, чарм қўлқоп кийишингиздан аввал ўзингизни каратэ ҳамда кикбоксингда ҳам синаб кўргансиз. Нега айнан бокс танловида тўхтагансиз?


– Биласизми, каратэ тўгарагига борганимда беш ёшда эдим. Кейинроқ кикбоксинг машғулотларига қатнаб юрдим. Ўн икки ёшга кирганимда онам Андижон олимпия захиралари коллежига олиб бордилар. Бошида “вазнинг кам”, дейишди. Ўшанда ҳозир ҳам менга мураббийлик қилаётган устозим Зиёдинбек Туйғонбоев имконият берган. Синов жангида рингга чиққанман. Ҳаракатларим маъқул келди. Ўзим ҳам боксга меҳр қўйдим.

– Суҳбат “ўзанини” Олимпия ўйинларига буриб юборсак, қаршилик кўрсатмасангиз керак?


– Йўқ, албатта.

– Адашмасам, Риодаги илк рақибингиз Хоселито Веласкесни Бутунжаҳон бокс серияси таснифидаги турнирда ҳам (у “Мексикалик жангчилар” жамоаси аъзоси, муаллиф) мағлубиятга учратгансиз.  


– Барча боксчининг ноқулай рақиби бўлади. Мен учун Хоселито рақиблар орасида энг кучлиси. Шунинг учун унга қарши жанг Бутунжаҳон бокс серияси турниридаги энг қийин баҳслардан бирига айланган. Олимпиада қуръасидан кейин илк жангни мексикалик боксчига қарши ўтказадиган бўлдим. Бироқ менда имконият кўпроқлигини ич-ичимдан ҳис қилардим. Йигирма икки боксчининг тахминан ўн етти-ўн саккизтаси билан аввал ҳам учрашганим боис кимнинг қандай имкониятга эгалигини яхши билардим. Бошқа томондан, Бутунжаҳон бокс сериясида дунёнинг бир қатор кучли ярим профессионаллари иштирок этгани учун қимматли тажриба орттиргандим.

– Финалдаги ғалабангизни ўзига хос тарзда нишонладингиз, яъни Месси услубида…


– Ҳа, жангдан олдин яқинларимга “Ғалаба қозонган тақдиримда Месси услубида нишонлайман”, деб айтгандим (табассум қилади).

– Қувончлиси, Олимпиаданинг “Энг тезкор ва техникаси юқори боксчиси”га топширилувчи “Вел Баркер” кубогининг соҳибига айландингиз. Мазкур трофей 1936 йилда ташкил этилган бўлиб, илк мукофот эгаси 49 кг. вазн тоифасидаги боксчи эди. Орадан саксон йил ўтиб, бу соврин Сизга насиб этди.


– Тўғрисини айтаман, умуман кутилмаганда юз берди. Сюприз бўлди. Жангларни томоша қилиб ўтирганимда чақиришди. Борсам, “Шу ерда бўлиб тур, кубок топширишади”, дейишди.

– Агар Сиздан реванш олиш ниятидаги боксчилар рўйхати тузилса, бир мусобақа ташкил этишга етади улар. Айтинг-чи, Сиз қайси ҳамкасбингиздан реванш жангида рингга чиқишни хоҳлардингиз?

– Ирландиялик боксчи бор (Барнс Пэддини назарда тутмоқда, муаллиф). Олимпия ўйинларига лицензияни қўлга киритиш учун иккимиз икки гуруҳда жангларни ўтказганмиз. Ҳар иккимиз ҳам ютганмиз. Рейтинг балли ҳисобига унга Олимпиада йўлланмасини бериб юборишган. Шу алам қилган. Риода ўша боксчи билан рингга кўтарилсам рози эдим, дегандим. Яна рус боксёри Василий Егоров мусобақа олдидан “Дўстматовни кучли рақиблар қаторига киритмайман”, деб интервью берганди. Бу боксчи билан ҳам рўпара келсам, деб ўйлаганман.

– Боксдан ташқари яна нималарга қизиқасиз?


– Бўш вақт топилди дегунча футбол ўйнайман. Айниқса, видеоўйинда. Қолаверса, ҳар куни бир маҳал бокс, бир маҳал футбол билан машғул бўламиз.

– Сиздан қандай футболчи чиқарди, нима деб ўйлайсиз?


– Ҳозирги вазним бўлса, футболчи чиқмаслиги аниқ. Дўстлар даврасида ёмон ўйнамайман. Бу дўстларимнинг фикри, албатта.

– Машҳур боксчилар ҳақида фильмлар суратга олинади. Сиз ҳақингизда ҳам картина яратилса, бош ролни ўзингиз ижро этармидингиз?


– Албатта, фақат чарм қўлқопимни “михга илганимдан” кейин. Ягона шарт шу.

– Чемпионлигингиздан кейин “Ҳасанбой профессионал боксга ўтди”, деган хабарлар тарқалди. Аслида бунгача ҳам шартномалар таклиф этишган. Ўзингиз қачон профессионал боксда кучингизни синаб кўрасиз?

– Шу пайтгача икки-уч профессионал шартномалар бўлган. Бироқ рад этганман. Мақсадим – Токио Олимпиадасида ҳам иштирок этиш.

– Омад ёр бўлсин!

Қисқа савол-жавоб:

 — Энг кўп ишлатадиган сўзингиз?

— «Хўп бўлади».

— Рақсга тушишни ёқтирасизми?

— Йўқ. Рақсга тушолмайман. Фақат боксга тушаман (кулади)

— Кўпроқ тинглайсизми ёки гапирасиз?

— Кўп гапирсам керак.

— Танловингиз: муҳаббат ёки дўстлик?


— Ҳозир дўстлик, уйлангандан кейин муҳаббат…

Улуғбек РАҲМОНҚУЛОВ суҳбатлашди.

Рейтинг: +32   

Комментарии

championat.asia
< посмотреть последние новости
Яндекс.Метрика