Ҳарри Кейн рекорд уришда давом этмоқда. “Реал” эса тарихни ўзгартириш ишлари билан банд
14 янв 2018 11:22
Новости

Ҳарри Кейн рекорд уришда давом этмоқда. “Реал” эса тарихни ўзгартириш ишлари билан банд

Англия ва Испания чемпионатларида навбатдаги тур ўйинлари бошланди. Кеча рақамлар билан боғлиқ иккита ходиса кузатилди. Бири Ҳарри Кейнга, иккинчиси уни ўз сафида кўришга қарши бўлмайдиган “Реал”га тегишли.

Ҳарри Кейн

2017 йил давомида бир қатор рекордларни янгилашга улгурган Ҳарри Кейнни энди ҳамма танийди. Кеча у “Тоттенҳэм” учун АПЛда энг кўп гол урган футболчига айланиб олди. Устози Маурисио Почеттинонинг ишонч билан айтишича, бу кетишда Кейн барча рекордларни ўзи янгилайди.

Англия Премйер-Лигасида “шпорлар” учун энг кўп гол урган футболчи Тедди Шерингем ҳисобланарди. “Юнайтед” мухлислари учун яхши таниш бўлган ҳужумчи лондонликларнинг АПЛдаги ўйинларида 97 та гол урганди.

Кейн эса “Эвертон”га қарши беллашувда дубль қайд этиб. Энг яхши кўрсаткич тахтачасидан Шерингем номини ўчирди. У ўзининг биринчи аниқ зарбаст билан Теддига етиб олди, иккинчи голидан кейин эса яқин тарихдаги футболчидан ўзиб кетди.

“Реал Мадрид”

Зинедин Зидан бошчилик қилаётган Мадриднинг “Реал” клуби тарихида ҳам ўзгариш юз берди. Шу вақтга қадар “Қироллик клуби” ўз майдонида “Вильярреал”га имкониятни бой бермаганди. “Сариқ сувости кемаси” 2018 йилнинг 13 январига келиб, бу ишнинг уддасидан чиқа олди.

“Реал” иккинчи даврадан бошлаб ўз ўйинларини балки яхшилаб олар. Бироқ “Вильярреал” тарихига “Сантьяго Бернабеу”даги биринчи ғалаба ёзилгани мадридликларга мухлислик қилувчиларга табиийки ёқмади. Наилож? Улар даҳшатли мавсумни кузатишда давом этади.