«Hane Cup-2019». «Бунёдкор-2005» иккинчи ўйинда ҳам ғалаба қозонди

Бугун турнирдаги иккинчи ўйинини ўтказган «Бунёдкор-2005» навбатдаги ғалабасини қўлга киритди. Кечаги учрашувдан фарқли равишда бугун «қалдирғочлар» жиддий қаршиликка дуч келишди. Грузиянинг «Динамо-Батуми» жамоасига қарши ўйнаган Дониёр Усмонов шогирдлари ҳар бир бўлимда биттадан гол уриб, уч очкони ўзиники қилди. Биринчи бўлимда футболчимиз қизил карточка олиб майдонни тарк этишга мажбур бўлди ва жамоа ўйин сўнггига қадар бир киши кам бўлиб ҳаракат қилди. Унга қадар рақиб пенальти тепишга муваффақ бўлди, лекин фойдалана олмади. Баҳс аввалида ҳаммаси биз учун тескари кўриниш олган бўлса-да, болалар ўзини йўқотиб қўймади. Аксинча, 20-дақиқада пенальтидан ҳисобни очишди. Иккинчи бўлимда ғалаба олиб келган гол ҳам рақиб дарвозасидан жой олди.

«HANE CUP-2019»
«Динамо-Батуми» (Грузия) - «Бунёдкор» - 0:2
«Бунёдкор»: Али Эркинов, Абдураҳмон Сулаймонов, Наримон Аҳмаджонов, Асадбек Жамолов, Беҳрузбек Маҳмудов, Диёржон Толибжонов (Муҳаммаддиёр Баҳодиров, 40), Музокир Маликов, Собир Рисҳиддинов, Искандар Солиев (Сардорбек Шойимқулов, 55), Темур Бахтиёров (Шоюсуф Эркинов, 45), Дониёр Хайруллаев (Рамзиддин Муҳаммедов, 50).
Голлар: Собир Рисҳиддинов, 20-пенальтидан – 0:1. Искандар Солиев, 55 – 0:2.
Огоҳлантириш: Собир Рисҳиддинов, 35.
Четлатиш: Беҳрузбек Маҳмудов, 10.