"Ҳамюртлар Кубоги - 2016". Бош соврин мезбонларда қолди

Тошкент вилояти футбол федерацияси раҳнамолигида ташкил қилинган мусобақада жами 48та жамоа ғолиблик учун кураш олиб борди. Финалга қайсидир маънода мусобақа мезбони бўлган Тошкент вилояти терма жамоаси ва Андижоннинг "УзДонгЖу" клуби тарбияланувчилари етиб келишди. Голларга бой тарзда ўтган учрашувда Тошкент вилояти терма жамоаси йирик 4:0 ҳисобида ғалаба нашидасини сурди. 

Учинчи ўрин Андижоннинг бошқа бир жамоасига насиб қилди. "Андижон-1" Янгийўл туманидаги футболга ихтисослашган мактаб интернат тарбияланувчиларидан иборат жамоани йирик ҳисобда мағлуб этди - 3:0.

Мусобақа якунлангач, ғолибларни тақдирлаш маросими бўлиб ўтди. Маросимда чизиқлар бўйича турнирнинг энг яхшилари ҳам аниқланди. Шу тариқа 27 маротаба ўтказилган "Ҳамюртлар Кубоги" мусобақаси ўз якунига етди. 

3-ўрин учун

"АНДИЖОН-1" - ЯФМИ-1 - 3:0

Голлар: Иззатилла Ўринов, 29 - 1:0. Беҳруз Жумаев, 31 - 2:0. Дониёр Аҳмадалиев, 43 - 3:0. 

ФИНАЛ

ТОШКЕНТ вилояти т.ж - "УЗДОНГЖУ" - 4:0 (2:0)

16 апрель. Қибрай. "Қибрай" марказий стадиони. 

Бош ҳакам: Искандар Зоитов.

Голлар: Ҳикматилла Гапаров, 7 - 1:0. Ҳикматилла Гапаров, 9 - 1:0. Фаррух Ҳошимов, 37 - 3:0. Искандар Бусинов, 41 - 4:0.