Ҳамиджон Актамов: “Мавсум Навоийда кучли жамоа шаклланиши учун ўзига хос пойдевор бўлди”
22 ноя 2016 18:16
Новости
![](https://championat.asia/upload/storage/221904_original.jpg)
![](/upload/storage/221904_220.jpg)
Ҳамиджон Актамов: “Мавсум Навоийда кучли жамоа шаклланиши учун ўзига хос пойдевор бўлди”
Олий лига ўттизинчи туридан жой олган “Қизилқум” — “Сўғдиёна” жамоалари учрашувидан (3:1) сўнг, мезбонлар бош менежери Ҳамиджон Актамов журналистларга ўз фикрларини билдириб ўтди.
— Мавсумни ғалаба билан якунлаш ёқимли, албатта, — дея сўз бошлади Ҳамиджон Ғуломович. — Бугунги чиройли футбол учун йигитларга катта раҳмат! Йилдан йилга чемпионатда мавқеимизни тиклаб бораётганимиздан хурсандмиз. Вилоятимизда ажойиб мухлислар бор. Уларнинг ҳурмати учун фақат ғалаба учун ўйнасанг арзийди. Бу йил бир мунча оғир мавсумни бошдан ўтказдик. Шунга қарамай, жамоамиз чемпионат етакчиларига қарши муносиб ўйинлар намойиш этишга ҳаракат қилди. Бир неча йил аввал кучлилар сафида жон сақлаш учун курашаётган “Қизилқум”дан энди мухлислар катта ғалабаларни кутишмоқда.
Вилоятимиз раҳбарлари ва хомийларимиз саъй-ҳаракатлари билан клуб инфраструктураси босқичма-босқич шаклланиб боряпти. Якунланган мавсум ўзига хос синов йили бўлди. Афсуски, айрим муҳим ўйинларда қимматли очколарни бой бердик. Агар ҳаммаси мухлислар кутганидек бўлганида ҳозир жамоамиз совриндорлар қаторида бўларди.
Бир сўз билан айтганда, якунланган мавсум Навоийда кучли жамоа шаклланиши учун ўзига хос пойдевор бўлди. Келаси йили футбол клубимиз учун янги ва замонавий қароргоҳ барпо этилиши режалаштирилмоқда. Вилоят футбол федерацияси ҳамда хомийларимиз билан маслаҳатлашган ҳолда клубимиз қошидаги болалар ва ўсмирлар футбол мактаби ишини янада жонлантиришни режалаштирганмиз. Юқори натижага бир кунда эришиб бўлмайди. Бунинг учун ҳали катта ҳажмдаги юмушларни амалга ошириш лозим. Ишонаманки, вилоятимизда жамоамизга хайрихоҳ ва қўллаб-қувватлаётган инсонлар билан яқин йилларда буни албатта уддалаймиз.
“Қизилқум” ПФК Матбуот хизмати.
Вилоятимиз раҳбарлари ва хомийларимиз саъй-ҳаракатлари билан клуб инфраструктураси босқичма-босқич шаклланиб боряпти. Якунланган мавсум ўзига хос синов йили бўлди. Афсуски, айрим муҳим ўйинларда қимматли очколарни бой бердик. Агар ҳаммаси мухлислар кутганидек бўлганида ҳозир жамоамиз совриндорлар қаторида бўларди.
Бир сўз билан айтганда, якунланган мавсум Навоийда кучли жамоа шаклланиши учун ўзига хос пойдевор бўлди. Келаси йили футбол клубимиз учун янги ва замонавий қароргоҳ барпо этилиши режалаштирилмоқда. Вилоят футбол федерацияси ҳамда хомийларимиз билан маслаҳатлашган ҳолда клубимиз қошидаги болалар ва ўсмирлар футбол мактаби ишини янада жонлантиришни режалаштирганмиз. Юқори натижага бир кунда эришиб бўлмайди. Бунинг учун ҳали катта ҳажмдаги юмушларни амалга ошириш лозим. Ишонаманки, вилоятимизда жамоамизга хайрихоҳ ва қўллаб-қувватлаётган инсонлар билан яқин йилларда буни албатта уддалаймиз.
“Қизилқум” ПФК Матбуот хизмати.
Похожие новости
20:19
Қирғиз Республикаси – Ўзбекистон баҳси ўтказиладиган стадионда реконструкция ишлари давом этмоқда 6
00:13
Жағ синди, футболчи қамоқда, мураббийлар ҳайдалди. Қирғиз клубидаги воқеа кўпчиликни шокка туширди 5
![AMP Logo](https://championat.asia/image/logo-amp.png)
Комментарии