Ҳамиджон Актамов: “Футболда ғалабани кўзлаган жамоа ютади”
13 мая 2018 07:15
Новости

Ҳамиджон Актамов: “Футболда ғалабани кўзлаган жамоа ютади”

Навбаҳор” – “Қизилқум” учрашувидан кейинги матбуот анжуманининг биринчи қисмида навоийликлар устози Ҳамиджон Актамов иштирок этиб, ОАВ ходимларининг саволларига жавоб берди.

Ҳамиджон Актамов (“Қизилқум” бош мураббийи): - Авваламбор “Навбаҳор” футбол клуби аъзолари ва жамоа мухлисларини ғалаба билан табриклайман. Ўйин борасида гап кетганида, “Навбаҳор” футболчилари баҳсга жуда ҳам яхши тарзда тайёргарлик кўрганликларини амалда намойиш этиб, ғалаба қозонишни мақсад қилганликларини кўрсатишди.

Футболда қайси жамоа ғалабани кўзлаб, майдонга тушса, ўша жамоа ютади. Бугунги ўйинда футболчиларимиз жуда кўп хато қилишди. Бунинг сабаби борасида ҳеч нарса дея олмайман. Ҳимоячиларимиз илк марта майдонга тушгандек таассурот қолдиришди. Улардан аслида бошқача ўйин кутгандим. Умуман олганда бугун ўйинимиз ўхшамади.