Ҳаким Фузайлов: "Ёзда таркибимизни кучайтиришимиз шарт"
30 апр 2022 13:27
Новости

Ҳаким Фузайлов: "Ёзда таркибимизни кучайтиришимиз шарт"

Про лиганинг 6-туридан ўрин олган "Бухоро" - "Хоразм" (3:2) учрашувидан сўнг матбуот анжуманида мезбонлар устози Ҳаким Фузайлов иштирок этди.

"Ўйиндан олдин ҳам йигитларга осон учрашув бўлмаслигини таъкидладим. Курашувчан кайфиятда майдонга чиқиш керак. Жорий йилги Про лигада кучсиз жамоанинг ўзи йўқ. Ҳамма охиригача курашмоқда. Жамоамиз ҳали яна шаклланиши керак. Чунки 80 фоизи янги йигитлар. Кўряпманки, таркибимизни янада кучайтиришимиз керак. Ожиз нуқталарни сезиб турибман. Ёзда Суперлига даражасидаги ёки кучлироқ легионер олишимиз шарт. Ўйинни яна таҳлил қиламиз.

Майдон янги ва ажойиб. Ҳозир майдонга яна бироз дам берамиз. Кейинги турни "Арал Самали"га қарши ўтказамиз. Шу боис суъний майдонда машғулот ўтказамиз",- дейди Ҳаким Фузайлов.

Ссылка :

Источник : championat.asia

Получайте новости прямо в Telegram!

Рейтинг: +1