Ҳаким Фузайлов "Хоразм"нинг ушбу мавсумдаги мақсадини айтди

- Кичик танаффусдан кейин мана ўйинлар ҳам бошланди. Биз учун жуда муҳим бўлган ғалабани қўлга киритгани учун футболчилардан миннатдорман. Ўйин етарлича қийин бўлди. Ўзи барча ўйинлар босим остида ўтмоқда. Бу мавсум якунигача шундай давом этса керак. Футболчилар бугун яхши ўйнашди, ўзларини ўйинга баҳш қила олишди. Шунингдек, узоқ йўл босиб ўтиб, бизни қўллаб-қувватлаган барча мухлисларга раҳмат айтаман. 

- Артём Потаповнинг ижарага олинишида сизнинг ҳам ташаббусингиз борми?

- Умуман олганда Потаповни мавсум бошида таркибимизда кўрмоқчи эдик. Бироқ бу амалга ошмаганди, чунки унинг шартномаси бор эди. Мана энди ўхшади. Биламан, у жуда тажрибали. Ўзбекистонда легионер дарвозабонлар орасидаги энг зўри. Бугун у яхши ўйнади. Кейинчалик бу жиҳат жамоага ёрдам бера олади. 

- Ўтказиб юборилган голда ҳимоячилар офсайдни юзага келтиришда хатоликка йўл қўйди. Ушбу голга фикрингиз қандай?

- Мен турган жойдан бу кўринмади. Агарда офсайд бўлди деган фикрда бўлсангиз, гол барибир инобатга олинди. Улар билан баҳслашиш жуда қийин. Агарда офсайд бўлмаган бўлса, бу ҳимоячининг позицион хатоси бўлади. Бунга ўхшаган ҳолатлар биринчи марта бўлаётгани йўқ. Схемани ўзгартирдик, шу сабабли ҳимояда яхшироқ ўйнадик. 

- "Хоразм"дан мавсум якунигача қандай натижалар кутяпсиз?

- Илк кунларданоқ жамоани Суперлигада сақлаб қолиш вазифаси қўйилганди. Бугунги ўйинда ҳам мавсум якунига қадар ҳам шундай.