Ҳаким Фузайлов: "Туркманистонни етарлича ўрганиб чиқдик"
08 ноя 2016 18:40
Новости

Ҳаким Фузайлов: "Туркманистонни етарлича ўрганиб чиқдик"

Тожикистон терма жамоаси бош мураббийи Ҳаким Фузайлов Туркмfнистонга қарши ўйиндан олдин матбуот анжуманида қатнашди. Бу ҳақда fft.tj сайти хабар берди.

— Эртага яхши жамоага қарши ўйин бўлади. Ўтган ой мен Бишкекка бориб Туркманистоннинг Қирғизистон билан ўйинини кўргандим. Туркманистон – етарлича яхши, ақлли жамоа. Таркибида хорижда ўйнайдиган бир неча футболчи бор. Биз рақибни етарлича ўргандик.

Бизнинг жамоага келсак, Осиё Кубоги-2019 саралашига тайёргарлик кўраяпмиз. Таркибни шакллантириш, янги футболчиларни синаб кўриш, тактикаларни синовдан ўтказиш учун ўртоқлик ўйинлари керак.

Нуриддин Давронов, Тожикистон терма жамоаси сардори:

— Мен биринчи марта Туркманистон терма жамоасига қарши майдонга тушаман. Ҳаким Қаюмович кўп бор Туркманистон яхши жамоа эканлигини, маҳоратли футболчилар борлигини айтди. Қийин ўйин кутаётганини билиб турибмиз. Ўтган ўйинлардаги хатолардан тўғри хулоса чиқариб имкон қадар энг кучли ўйинимизни кўрсатишга ва мухлисларимизни хурсанд қилишга уринамиз.

Ссылка :

Источник : championat.asia

Получайте новости прямо в Telegram!

Рейтинг: +7