Ҳакамлик можароси туфайли УЕФА "Барселона"га еврокубокларда иштирок этишга рухсат бермаслиги мумкин

Испаниялик спорт ҳуқуқига ихтисослашган юристлардан бирининг таъкидлашича, Каталония клуби юқоридаги айблов билан бир қатор жазоларга дучор бўлиши мумкин. 

УЕФА қоидаларининг бандларидан бирига мувофиқ, агар ташкилот бирор бир клуб миллий чемпионат ёки халқаро мусобақадаги ўйин натижасига таъсир қилишга қаратилган ҳар қандай фаолиятда бевосита ёки билвосита иштирок этган, деб ҳисобласа, бу жамоа Европа мусобақаларидан четлатилади.

Шу тариқа, "Барселона"нинг айби аниқланса, УЕФА каталонияликларни навбатдаги Чемпионлар Лигасида иштирок этишга рухсат бермаслиги мумкин. 

Эслатиб ўтамиз, "Барселона" Испания ҳакамлар қўмитасининг собиқ аъзосига спорт натижаларига таъсир ўтказиш учун пул ўтказганликда айбланмоқда.