Мураббий илк бор ҳакамларни тайинлаш қўмитасига киритилди
06 авг 2025 11:49
Новости

Мураббий илк бор ҳакамларни тайинлаш қўмитасига киритилди

Грегорио Мансано Ла Лига ўйинларига ҳакамлар тайинлаш қўмитасида ишлайди.

Шу тариқа, ҳакамларни танлаш учун масъул ташкилотга тарихда биринчи марта мураббий жалб қилинди.

Мансано "Атлетико", "Севилья", "Мальорка", "Райо Вальекано", "Малага", "Расинг" ва "Вальядолид" клубларини бошқарган.

Бундан ташқари, 69 ёшли испаниялик Хитойда "Шанхай Шэньхуа" ва "Бэйцзин Гоань" клубларида ишлаган. Мансанонинг сўнги иш жойи 2018 йилда тарк этган "Гуйчжоу Чжичэн" бўлганди.

Шунингдек, ҳакамлар тайинлаш қўмитасига Ҳакамлар техник қўмитаси (CTA) раҳбари Франсиско Сото ва собиқ рефери Тейшейра Витьенес ҳам киритилди.