Ҳакам калтакланганидан кейин Туркиядаги барча футбол учрашувлари қолдирилди

Туркия Футбол Федерацияси ҳакамларни калтаклаш ҳодисаси туфайли мамлакатдаги барча лигалардаги ўйинларни бошқа муддатга қолдирди. Бу ҳақда ташкилот раҳбари Меҳмет Бюйюкекши маълум қилди. Унинг сўзларини "Hürriyet" нашри келтирмоқда.

"Туркия Футбол Федерацияси шошилинч йиғилиш ўтказди. Биз барча лигалардаги ўйинларни номаълум муддатга қолдирдик. Бу ҳужум – турк футболи учун шармандали кечадир. Туркия футболи бунга лойиқ эмас деб ҳисоблаймиз", – деди Бюйюкекши.

11 декабрь куни "Анкарагужу" клуби президенти Фарук Кожа Туркия Суперлигасининг 15-туридан ўрин олган "Ризеспор" билан ўйин якунлангач ҳакам Ҳалил Умут Мелерга ҳужум қилди.

Биринчи зарбадан кейин ҳакам майдонга йиқилиб, яна бир неча зарбаларни қабул қилиб олди. (ВИДЕО) Ҳакам ўзи ўрнидан туришга муваффақ бўлди. Чап кўзининг остида кўкариш бор эди. Унга ҳакамлар хонасида тиббий ёрдам кўрсатилди. 

Учрашув 1:1 ҳисобида якунланди. “Ризеспор” қўшиб берилган еттинчи дақиқада ҳисобни тенглаштира олди. "Ризеспор"га дуранг олиб келган голни ҳуқуқи Москванинг ЦСКА клубига тегишли Адольфо Гайч урди.

"Анкарагужу" Туркия чемпионати турнир жадвалида 18 очко билан 11-ўринда бормоқда. "Ризеспор" 22 очко билан саккизинчи ўринда кетяпти.