Гвардиоланинг "Барселона"га қайтиш эҳтимоли ортиб боряпти
15 дек 2019 12:06
Новости

Гвардиоланинг "Барселона"га қайтиш эҳтимоли ортиб боряпти

"Манчестер Сити" клуби бош мураббийи Хосеп Гвардиола келгуси режалари ҳақида якуний қарорга келмаган.

Express нашри хабарига кўра, Пеп Гвардиола "Манчестер Сити"ни тарк этгач, "Барселона"га қайтади. "Шаҳарликлар" АПЛ жорий мавсумида чемпионлик пойгасини деярли бой бергани туфайли испаниялик мутахассис келаси ёзда жамоани тарк этиши тахмин қилинмоқда.

Эслатиб ўтамиз, Гвардиола 2008-2012 йилларда Каталония жамоасини бошқарган. У "Барселона" билан Испания чемпионати (3), Испания кубоги (2), Испания суперкубогида (3) муваффақият қозонган. Шунингдек, ЕЧЛ, УЕФА суперкубоги ва Клублар ўртасидаги жаҳон чемпионати мусобақалари 2 мартадан забт этилган.