Ғулом Ҳайдар Ғуломов: “Кейинги мавсумни қайси жамоада бошлашим номаълум”

- “Шўртан” ўтган йил биринчи лигада қатнашиб олий лигага чиққанди. 11-ўрин дебютант учун яхши натижами?
- Балки дебютант учун натижа ёмон эмасдир лекин шахсан мен натижадан қониқмадим. Жамоанинг шарт-шароит ва имконятлари, иқтидорли ҳамда тажрибали ўйинчилардан келиб чиққан холда камида 7-8-ўринни эгаллашга кучимиз етар эди. Мавсум бошланишидан олдин шундай деб ўйлагандим.

- Мавсумда энг ёдда қолган ўйин?
- Барча ўйинлар эсда қоларли бўлди, бироқ Ғузорда “Насаф”га қарши кечган ўйин узоқ вақт ёдимдан чиқмаса керак. Сабаби ўшанда ҳисобда олдинда бориб туриб сўнгги дақиқаларда хатто дурангни ҳам қўлдан чиққаргандик.

- Кейинги режалар қандай?
- “Шўртан” билан амалдаги шартномам ўз ниҳоясига етди. Режалар ҳақида ҳали ўйлаб кўрганим йўқ. Кейинги йилни қайси жамоада бошлашим номаълум.