Гризманн: "Биз яна финалга чиқиб, у ерда ғалаба қозонишга умид қиламан"

"Пенальтилар серияси - бу лотерея. Ҳозир "Реал" ўйлагани амалга ошди. Учрашувни яхши ўтказдик ва асосий вақтда пенальтини ура олмаганимдан жуда хафаман. Бундан тўғри хулоса чиқариб, янада кучлироқ бўламан.

Биз кучли ва хавфли рақибга қарши ўйнашимизни ва имконият кам бўлишини яхши тушунган эдик. Янник Феррейра-Карраско уларга бош оғриқ бўлди ва натижада ҳисобни тенглаштирди, аммо бу етарли бўлмади.

Биз яна финалга чиқамиз ва бу сафар ғалаба қозонамиз деб умид қиламан. Бугун бизда ажойиб имконият бор эди, аммо ундан фойдалана олмадик. Бу оғриқлик мағлубият бўлди" - дейди Гризманн.