Григорий Колосовский: "Таркибни аниқлашда бизга ҳеч ким босим ўтказмайди"

Биз жуда ёмон ўйин ўтказдик. Ҳимояда ҳам, ҳужумда ҳам ёш болаларча хатоларга йўл қўйдик. Кўрсатган футболимиз ёмондан ҳам ёмонроқ чиқди. Бунинг учун мухлислардан узр сўрайман. "Нефтчи"ни ғалаба билан табриклайман. "Нефтчи"да голдан ташқари яна имкониятлар бўлганди. Биз бугун мағлубиятга лойиқ ўйнадик. Шу боис барчадан узр сўрамоқчиман. "Пахтакор"га бугун ҳақиқий етакчи футболчи етишмади. Андреев? Станислав Андреев аста-секин ўз спорт формасига кириб бормоқда. Чунки Андреев узоқ вақт жароҳатини даволаганди. Нега сардорлик боғичини тақиб тушганига келсак, чунки асосий таркибдаги футболчилар орасида Андреев тажрибалироқ эди. Азим Аҳмедов ҳозирча ўзининг энг яхши жиҳатларини кўрсата олмаяпти. Улар терма жамоа футболчилари? Йўқ, аниқроқ айтаман, улар терма жамоага номзод футболчилар саналишади.

Бугунги мағлубиятда барча айбни мураббийлар штаби ўз бўйнига олади.

- "Пахтакор"нинг аксарият футболчилари Нўъмон Ҳасанов бошқарувидаги жамоада жонини бериб ўйнамаяпти ва асосий таркибда кимни қўйишни телефон орқали айтишади, деган гаплар бўлмоқда. Шунга аниқлик киритиб ўтсангиз.  
- Таркибни биз мураббийлар штаби билан маслаҳатлашган ҳолда аниқлаймиз. Бизга бу борада ҳеч ким босим ўтказмайди. Қолганини изоҳсиз қолдираман.