Григорий Колосовский: "Ғалаба бор, лекин гуруҳ босқичида тўхтадик"

"Бугун рақибни 2 та тўп фарқи билан ютиш вазифасини турганди. Ҳаммасини "Бухоро" билан ўйин ҳал қилди, ўшанда мағлуб бўлгандик. Бугун устунликни қўлга олган бўлсакда гол уриш учун етарли бўлмаяпти. Ҳа, бугун ғалаба қозондик. Лекин гуруҳдан чиқа олганимиз йўқ. "Бунёдкор"ни гуруҳдан чиққани билан табриклайман. Рақиб сафида бир неча нафар ёшлар ўйнади. Бизнинг йигитлар ҳам курашишди. Умумий фонда яхши ўйин бўлди, деб ўйлайман. Беллашув мухлисларга манзур келди",- дейди Григорий Колосовский. 

- Жамоа олдига кубокда маълум бир вазифа қўйилганмиди? 

- Албатта. Олдимизда гуруҳдан чиқиш мақсади бор эди. Афсуски, буни уддалай олмадик. Про лигада етакчимиз, фаворитмиз. У ерда ҳам ҳамма кураш тақдим қиляпти. Ўйинлар қизиқарли ўтяпти. Биринчи ва иккинчи ўрин ўртасида катта фарқ йўқ. Кубокда ҳам шундай кураш. 

- Сиз ҳар доим ҳужумдаги муаммолар ҳақида гапирасиз. Бу маҳоратсизликми ёки тажрибасизликдан? 

- Ҳар бир ўйинда кўплаб голли вазиятларга эга бўляпмиз. Агар биринчи бўлимда ҳамма вазиятлар гол билан тугаганида балки ўйин охири оддийроқ ўтарди. Реализацияда оқсаяпмиз. Ишлашда давом этамиз. "Бунёдкор" ҳам яхши қаршилик кўрсата олди. 

- Ўйинга тайёргарлик жараёнида рақибнинг қандай нозик жиҳатларига эътибор бергандингиз? 

- Буни мен этика томондан изоҳлай олмайман. Рақиб мураббийи келса жавоб бериши мумкин. Биз мазкур баҳсга жиддий ёндашдик. Қийин бўлиши кутилганди. Охирини ўзингиз кўрдингиз. Захиралар амалга оширдик. Ҳамма жабҳаларда рақибни ўрганганмиз. Ғалаба лекин гуруҳдан чиқа олганимиз учун хулоса қилишимиз керак. Мавсум ҳали узоқ.