Гиоргос Донис: "Рақибни ҳурмат қиламиз, лекин уйда ютишимиз керак"
01 мар 2016 22:34
Новости

Гиоргос Донис: "Рақибни ҳурмат қиламиз, лекин уйда ютишимиз керак"

"Ал Ҳилол" жамоаси бош мураббийи Гиоргос Донис учрашувдан олдин фикрларини билдириб ўтди.

Гиоргос ДОНИС ("Ал Ҳилол" бош мураббийи): - Чемпионатда "Иттиҳод"га ютқазганимиздан сўнг ишқибозлар биздан чиройли ўйин ва ғалаба кутишмоқда. Тошкентдаги дурангдан кейин уйда уч очко ишлашимиз зарур. Ютуқ гуруҳдаги ҳолатимизни осонлаштиради.

Рақибни ҳурмат қиламиз. "Пахтакор" охирги дақиқаларгача курашадиган жамоа, лекин сафарда хатоларимиз туфайли ғалабани қўлдан бой бердик деб ўйлайман. Футболчилардан эътиборни йўқотмасликни сўрайман.

Таркибда йўқотишлар бор, бунга оддий қараш керак. Ҳар уч кунда ўйнаш қийин. Шифокорлар баъзи футболчилар ўйнашини тақиқлашди. Уларнинг ўрнига тушадиган ўйинчилар ҳам мавсум бошидан бери ўйнаб келишмоқда. Биз оралиқни топиб, зафар қучишга уринамиз.

Ссылка :

Источник : pakhtakor.uz

Получайте новости прямо в Telegram!

Рейтинг: +3