Геворкян дебют учрашувида “дубл”га эришди
19 мая 2019 10:13
Новости

Геворкян дебют учрашувида “дубл”га эришди

Индонезиянинг “Персиб Бандунг” клубида тўп тепаётган туркманистонлик ярим ҳимоячи Артур Геворкян ушбу чемпионатдаги дебют учрашувида “Персипур” клубига қарши майдонга тушиб, жамоасининг ғалабасига муносиб ҳисса қўшди.

Индонезия клуби матбуот хизмати тарқатган хабарга кўра, Геворкян жамоадошларининг 3:0 ҳисобидаги ғалабаси билан якун топган баҳсда Артур икки бор рақиблари дарвозасини ишғол этишга эришди. Геворкян баҳсни асосий таркибда бошлади ва учрашувнинг 45+2 ва 63-дақиқаларида гол уришнинг уддасидан чиқди.

Таъкидлаш жоизки, “Персиб Бандунг”ни жорий мавсумда голландиялик мутахассис Роберт Рене Албертс бошқармоқда ва кеча у ҳам жамоа бош мураббий сифатида илк учрашувини ўтказди.

Геворкян жорий йилнинг апрел ойида “Персиб Бандунг” билан бир йиллик шартномага имзо чекканди. 34 ёшли футболчи янги жамоаси сафида 71-рақамда ҳаракатланади. Турманистонлик футболч билан бирга ушбу клубда “Насаф”даги фаолияти орқали мамлакатимиз ишқибозларига яхши таниш бўлган сербиялик Боян Малишич ҳам тўп тепмоқда.