Германия термасида йилнинг энг яхши футболчиси эълон қилинди
12 дек 2024 22:58
Новости

Германия термасида йилнинг энг яхши футболчиси эълон қилинди

Германия футбол Иттифоқи мамлакат миллий термасининг 2024 йилдаги энг яхши футболчисини аниқлади.

Унга кўра, "Бавария" ярим ҳимоячиси Жамол Мусиала ушбу эътирофга лойиқ кўрилди. 21 ёшли футболчига 56 фоиз мухлислар овоз беришган. Бу борада у 38 фоиз овоз тўплаган Флориан Виртц ҳамда 6 фоиз овоз тўплашга эришган Кай Хавертцни ортда қолдирди.

Евро-2024да Мусиала термасининг тўпурари бўлди ва турнир рамзий термасига ҳам киритилди. Йил давомида Мусиала 13 ўйинда 5тадан гол ва ассист қайд этди.