Гаттузо: “Барселона”ни босим остида ушлаб турдик”

“Афсуски, биз мағлуб бўлдик, чунки учрашувнинг илк ярим соатида умуман майдонда “кўринмадик”. Айни шу 30 дақиқа ичида учта гол ўтказдик. Кечириб бўлмайдиган хатоларга йўл қўйдик. Аммо бутун ўйин давомида “Наполи” рақибни босим остида ушлаб тура олди. Дарвоза аниқ зарбалар бердик, тўп билан кўпроқ муомала қилдик, яккакурашларда ғолиб чиқдик. Кимдир “Барселона” захира таркиби билан ўйнади, деган фикрларни билдирди. Гап нима ҳақида кетаётганлигини тушуниб турибман: қаршимизда жаҳон даражасидаги топ жамоа турганди, уларнинг таркибидаги футболчилар ўнлаб миллион еврога тенг”, дея Гаттузонинг сўзларидан иқтибос келтирмоқда Football Italia.