Гасперини: “Скудетто? Янада ўсишга эришмоқчимиз”

“Мен жамоам кўрсатган ўйиндан мамнунман. “Лечче” 0:2 ҳисобда ортда қолаётган вақтда “Аталанта” бироз муддат ўйин тизгинини қўлдан чиқаргандек бўлди, аммо тез орада тўп назоратини ўзимизга қайтардик ва ўзимиз истаган ўйинни намойиш эта бошладик ва бу ўйинни ўз фойдамизга ҳал бўлишига замин яратди. Футболчиларим кўплаб вазиятларни яратишди ва чиройли голларга муаллифлик қилишди. 

Бу каби ўйинлар йигитларга ўзларига бўлган ишончни янада оширади. Ҳисоб йириклашган бўлсада, ўйин осон кечгани йўқ. “Аталанта” турнир жадвалида тўртинчи ўрин учун кураш олиб бораяпти ва биз яна ЕЧЛда ўйнаш ниятидамиз.

Кейинги йил Скудетто учун кураш олиб бора оламизми? Ҳозир бу ҳақда гапириш қийин. Чунки биз жуда кўп ўйинларда майдонга тушаяпмиз. Чемпионлик учун 90 очко тўплаш керак. Бизнинг мақсад эса ҳеч бўлмаса 70 очко йиғиш. Биз ўйиндан ўйинга ривожланиш истагидамиз”,  дейди “Аталанта” устози.