Гари Невилл: "Роналдунинг бундай ҳаракати Сульшерга қўшимча босим бўлмоқда"

"Мен Роналду майдонни қандай тарк этганини кўрдим. Менга бу ҳолат манзур келди дея олмайман. Криштиану ўйнамаса хафа бўладими? Ҳа. Жамоаси ғалабага эриша олмаса-чи? Албатта, у бундан ранжийди. Буни шундоқ ҳам биламиз.

У майдондан чиқиб кетаркан, норози оҳангда нималарнидир гапириб кетди. У нима деганди? Роналду кимдан норози? Бунинг барчаси жамоа мураббийи манзилига аталган сўзлар дейиш мумкин.

Криштиану ўзининг бу каби ҳаракатлари шундоқ ҳам босим остида бўлган мураббийга қўшимча "бош оғриқ" бўлишини тушунади албатта. Бу ҳолатни шундай қолдириб бўлмайди, имкон қадар тезда масалани ҳал қилиш зарур.

Роналду ҳар ўйинда гол урмайди, катта эҳтимол билан барча учрашувларда майдонга ҳам туша олмайди. Бироқ ҳар сафар омадсиз беллашувдан кейин майдонни шундай тарк этадиган бўлса, Сульшерга ҳавас қилиб бўлмайди", – деди Невилл.