Галтье: "Бавария"га қарши ўйиннинг сўнгги 25 дақиқаси ПСЖ жавоб ўйинида ғалаба қозонишига умид берди"
15 фев 2023 14:44
Новости

Галтье: "Бавария"га қарши ўйиннинг сўнгги 25 дақиқаси ПСЖ жавоб ўйинида ғалаба қозонишига умид берди"

ПСЖ бош мураббийи Кристоф Галтье Чемпионлар Лигаси 1/8 финали биринчи ўйинида "Бавария"дан учралган мағлубият (0:1) ҳақида фикр билдирди.

"Бизни тўпсиз қолдирган жамоага қарши қийин ўйин ўтказдик. Буни кутгандик. Дастлаб чуқур ҳимояландик, чунки уларнинг юқори прессинг қилишини кутгандик. Шундай ҳам бўлди.

Учрашувнинг сўнгги 25-30 дақиқасида тезкор ва жозибали ўйин намойиш этдик. Бунга Килиан, Неймар ва Лео Месси катта ҳисса қўшди. Икки-учта хавфли вазиятлар бўлди, афсуски, бу етарли эмасди.

Сўнгги 25 дақиқада кўрсатган ўйинимиз "Бавария" устидан ғалаба қозониш учун умид бермоқда. Умид қиламанки, 3 ҳафта ичиди тикланиб оламиз ва футболчилар яхши ҳолатда бўлишади. Буни кийиниш хонасида ҳам айтиб ўтдим", – деди Галтье.

Жавоб ўйини 8 мартдан 9 мартга ўтар кечаси Мюнхенда бўлиб ўтади.

Ссылка :

Источник : RMC Sport

Получайте новости прямо в Telegram!

Рейтинг: +5