"Галатасарой" "Наполи" ҳимоячиси Марио Руйни сотиб олиш ниятида

Бу ҳақида журналист Никола Скира ўзининг "Тwitter" аккаунтида хабар қилди. 

Бир қатор манбалар хабарига кўра, турклар яқин вақтлар ичида "Наполи" билан музокараларни бошлайди. Ўз навбатида, неаполликлар футболчи трансферидан 8 миллион евро ишлаб олмоқчи. Португалиялик ҳимоячининг Италия клуби билан амалдаги шартномаси 2025 йилда ўз ниҳоясига етади, йиллик маош эса 2 миллион евро. 

Руй "Наполи"га 2017 йил келиб қўшилганди. Ундан аввалроқ "Рома", "Эмполи", "Специя", "Губбио", "Фатима" каби  клубларда тўп тепган. Transfermarkt порталида футболчининг нархи 8 миллион еврога баҳоланган. 

Ниҳоясига етган мавсумда "Галатасарой" Туркия чемпионатида 84 очко билан иккинчи ўринни банд қилди. Июнь ойида Москванинг "Спартак" жамоаси клубнинг конголик ҳимоячиси Кристиан Люиндамага қизиқиш билдирган эди. ОАВ тарқатган маълумотларга кўра, москваликлар ўйинчи учун 3.5 миллион евро таклиф қилган.