“Галатасарой” Истанбул дербисида “Бешиктош”га ютқазди
28 фев 2017 01:35
Новости

“Галатасарой” Истанбул дербисида “Бешиктош”га ютқазди

Туркия Суперлигасининг 22-тур марказий учрашуви Истанбул дербисида бўлиб ўтди.

Унда “Галатасарой” жамоаси ўз майдонида ҳамшаҳри “Бешиктош”ни қабул қилди. “Турк Телеком — Али Сами Йен” стадионида бўлиб ўтган учрашув бироз кутилмаган натижа билан якунланди.

Меҳмон мақомида ҳаракат қилган “Бешиктош” футболчилари 1:0 ҳисобида зафар қучишди. Ягона гол иккинчи бўлим бошида Андерсон Талиска томонидан киритилди.

“Галатасарой” кетма-кет учинчи ўйиндан бери ғалаба қозона олмаяпти. Бугунги ғалабадан сўнг “Бешиктош” 50 очко билан биринчи ўринни эгаллаб турибди. “Истанбул Башакшеҳир” 46 очко билан иккинчи, “Галатасарой” эса учинчи (40 очко) ўриндан жой олган.

Ссылка :

Получайте новости прямо в Telegram!

Рейтинг: +1